ГІСТОРЫЯ КАМПАНІІ

Першай і асноватворнай стала кампанія «Белкантон», якая была заснавана ў 1994 годзе і ажыццяўляла аптовы продаж канцылярскіх тавараў у Беларусі. У 1999 кампанія «Белкантон» адкрыла першае прадстаўніцтва ў Магілёве, пасля чаго рэгіянальная сетка пачала інтэнсіўна развівацца. З 2001 года кампанія «Белкантон» з’яўляецца эксклюзіўным дыстрыб’ютарам гандлёвай маркі «Kangaro» ў Расіі, а з 2003 года – эксклюзіўным дыстрыб’ютарам гандлёвых марак «Pentel» і «Kangaro».

Сягоння «Belkanton Group» – найбуйнейшы ў Беларусі дыстрыб’ютар канцылярскіх і офісных тавараў, які прадстаўляе больш як 70 гандлёвых марак, з іх больш як 20 – на эксклюзіўнай аснове, ажыццяўляе продаж аптовым арганізацыям на ўсёй тэрыторыі Беларусі. З развіццём кампаніі работа з рознічнымі гандлёвымі арганізацыямі была выдзелена ў асобны кірунак, які сягоння прадстаўляе кампанія «Смартон».

Жаданне данесці да канечнага карыстальніка перавагі прадукцыі, якая прапануецца, пошук новага стандарту абслугоўвання кліентаў і імкненне максімальна задаволіць попыт на комплекснае абслугоўванне офісаў, які пастаянна расце, прывялі да з’яўлення кірунку карпаратыўнага продажу і заснаванню кампаніі «Офістон».

У цяперашні час кампанія «Офістон» з’яўляецца вядучым аператарам карпаратыўнага рынку офісных тавараў Беларусі, ажыццяўляе комплекснае абслугоўванне офісаў, задаючы найвышэйшы стандарт сэрвісу ў Рэспубліцы Беларусь.

У 2003 годзе для максімальнага задавальнення патрэб рэкламных агенцтваў і карпаратыўных кліентаў была створана кампанія «Лагатон», якая займаецца нанясеннем лагатыпаў на сувенірную прадукцыю і аказаннем паліграфічных паслуг.

З 2001 года – моманту адкрыцця прадстаўніцтва ў Маскве – пачала развівацца замежная сетка кампаніі,  у 2008 годзе адкрылася прадстаўніцтва ў  Вільнюсе.

У 2011 годзе кампанія «Belkanton Group» запусціла інтэрнэт-праект ProTennis.by.

У 2014 годзе быў адкрыты кірунак OфісМама – інтэрнэт-магазін канцылярскіх тавараў для дзяцей.

У 2016 годзе быў адкрыты кірунак «Cleanton», які займаецца продажам тавараў для якаснага прыбірання і гаспадарчых работ.

У 2017 годзе выйшаў першы нумар дзелавога часопіса «OfficeLife» разам з запускам медыйнага праекта OfficeLife.media. У гэтым жа годзе быў адкрыты першы рознічны фірменны магазін «Офістон Shop» для задавальнення патрэб кліентаў – фізічных асоб.

У 2018 годзе быў адноўлены выпуск часопіса «Бізнес-рэвю», які ўвайшоў у выдавецкі партфель кампаніі. У гэтым жа годзе прынята рашэнне аб рэарганізацыі кірунку «ОфісМама», вынікам чаго стала яго ператварэнне ў рознічны інтэрнэт-магазін канцылярскіх тавараў і тавараў для творчасці «Офістон Shop».